Хош хабар! НМПИ студентлери «Тафаккур синовлари» таңлаўының финал басқышында 1-орын жеңимпазы болды

Өзбекстан Республикасы Жоқары ҳәм орта арнаўлы билимлендириў министрлиги тәрепинен усы жылдың 16-18-декабрь күнлери аралығында Ташкент қаласында «Студентлер форумы» шөлкемлестирилип, көтериңки руўхта өткерилмекте.

Форум шеңберинде бүгин, 17-декабрь күни Ташкент мәмлекетлик экономикалық университетинде «Тафаккур синовлари» республикалық таңлаўының финал басқышы болып өтти.

Финал басқышына таңлаўдың аймақлық басқышларында жеңимпаз болған Әндижан мәмлекетлик университети, Самарқанд мәмлекетлик университети, Ташкент мәмлекетлик аграр университети, Ташкент автомобиль жолларын жойбарлаў, қурыў ҳәм эксплуатациясы институты, Ташкент ирригация ҳәм аўыл хожалығын механизациялаў инженерлери институты және Әжинияз атындағы Нөкис мәмлекетлик педагогикалық институтының «Ғәрезсизлик жаслары» командасы қатнасты.

Таңлаў жуўмақларына муўапық, Әжинияз атындағы Нөкис мәмлекетлик педагогикалық институтының «Ғәрезсизлик жаслары» командасы ең жақсы көрсеткиш пенен жеңимпазлықты қолға киргизди.

Ислам Матеков,
НМПИ баспасөз хаткери.

Бөлимлер