«Экосан» фондының қайырқомлық илажлары

«Экосан» экология ҳәм саламатлық халықаралық қайырқомлық жәмийетлик қорының Қарақалпақстан аймақлық шөлкеми тәрепинен 3-декабрь — Халықаралық майыплар күни алдынан бир қатар қайырқомлық илажлары өткерилди.

Атап айтқанда, майып ҳәм жәрдемге мүтәж инсанларға жәми 6,9 миллион сумлық y дана ма­йыплар арбашасы, 50 дана ҳаса таяғы, 20 жуп ересеклер ушын қолтық таяғы, балалар ушын 5 жуп балдақ қайырқомлық жәрдем есабында алып келинди. Соннан республикалық қыстаўлы медициналық жәрдем орайы Нөкис орайына  2 дана майыплар арбашасы, 5 жуп ересеклер ушын қолтық таяғы, балалар ушын 5 жуп балдақ, Қарақалпақстан Республикасы майыплар жәмийетине 1 дана ма­йыплар арбашасы, 7 жуп қолтық таяғы, 20 дана ҳаса таяғы, Хожели ра­йонлық майыплар жәми­йетине 1 дана майыплар арбашасы,  5 жуп қолтық таяғы, 10 дана ҳаса таяғы, Қарақалпақстан Республикасы көзи әззилер жәмийетине 10 дана ҳаса таяғы, Қараөзек районлық медицина бирлеспесине 3 жуп қолтық таяғы, 10 дана ҳаса таяғы тапсырылды.

Соның менен бирге, аймақлық шөлкемге келип түскен арзалар бойынша еки майып пуқара арбаша менен тәмийинленди.

Бундай қайырқомлық илажлары даўам етпекте.

Бөлимлер