Хўжайлида Президент ташриф буюрган мактаб тўлиқ таъмирдан чиқарилди (фото)

Президент ташриф буюрган мактаб Президент Шавкат Мирзиёев Қорақалпоғистонга бўлган сафарида ташриф буюрган Хўжайли туманидаги 69-сонли мактаб бугунги кунда тўлиқ таъмирдан чиқарилиб, замонавий асбоб-ускуна, мебель ва жиҳозлар билан таъминланди. Бу ҳақда Қорақалпоғистон ахборот агентлиги хабар бермоқда.

Президент мазкур мактабга ташриф чоғида мактаб ўқитувчилари билан мулоқот қилиб, унда мактабларнинг инфратузилмасини яхшилаш, бу ерда лицей ва коллежларнинг бўлғуси муносиб ўқувчиларини тайёрлаш ва умуман Ватан равнақи учун малакали кадрлар тарбиялаш ишларини такомиллаштиришни таъкидлаб ўтганди.

Ушбу мактабда Қорақалпоғистон Халқ таълими вазирлиги томонидан ташкил қилинган сайёр Ҳайъат мажлиси иштирокчилари мактабнинг ҳозирги ҳолати билан танишишди.

Фото: Мактабнинг ҳозирги ҳолати

Фикр билдиришингиз учун рўйҳатдан ўтишингиз керак
Бўлимлар