«Бу йил Қораўзакда 10 та боғча, Бахт уйи ва ёпиқ бассейн қурилади» - Ҳоким

«KRuz.uz» сайти раҳбари Қораўзак туманига ташриф буюриб, туман ҳокими Даулетбай Утемуратов билан суҳбатлашди.

Ҳоким даставвал туманда бугунги кунда амалга оширилаётган ишлар ҳақида айтиб ўтди.

«Айни пайтда профилактика инспекторларига янги қурилган уйларни 25 январгача топширишимиз керак. Бугунги кунда бу ишлар якунланмоқда ва яқинда уларга замонавий уй-жойлар топширилади.

2017 йилда 4 объектда 2,5 миллиард сўмлик реконстукция ва таъмирлаш ишлари олиб борилди. Қайси объектлар реконтсрукция қилинди деган ҳақли савол туғилиши мумкин. Таъкидлаб ўтадиган бўлсам, «Қораўзак» ОФЙ марказидаги 13-сонли ўрта таълим мактаби биноси, «Ғарезсизлик гузари» МФЙдаги 2-сонли мактабгача таълим маскани, «Қоракўл» ОФЙдаги 6-сонли мактабгача таълим маскани таъмирланди».

Шундан сўнг Даулетбай Минажович туманда бу йил амалга оширилаиган ишлар ҳақида ҳам тўхталиб ўтди.

«Бу йил туманимизда янгидан 10 боғча ташкил этамиз. Ҳозирги пайтда битта боғча тайёр. Шунингдек 5 боғчани “0” баҳода шерикчилик асосида беришга тайёрлаяпмиз, 1 боғчани уйнинг ўзида ташкиллаштиришни режалаштиряпмиз. Ҳозирча 7 таси аниқ бўлиб улгурди.

2018 йили туманда Бахт уйи қуришни режалаштиряпмиз. Шунингдек, ёпиқ бассейн қуришни режалаштирилмоқда. У ерда 8 турдаги спорт тўгараклари иш бошлайди”.

Қораўзак тумани ҳокими Даулетбай Утемуратов билан уюштирилган суҳбатдан парчаларни кейинроқ яна эътиборингизга ҳавола этамиз.

Бўлимлар