Қорақалпоғистонлик фуқаро марҳум отасидан мерос қолган қурол-яроқларни уйида сақлаб келган

Қорақалпоғистон Республикаси божхона бошқармаси Контрабандага қарши курашиш бўлими ходимлари бошқа ҳуқуқни муҳофаза қилувчи идора ходимлари билан ҳамкорликда олинган тезкор маълумотлар асосида Қораўзак туманида ӯтказилган тадбир натижасида, фуқаро Б.К.нинг яшаш хонадони холислар иштирокида кўздан кечирилганда ҳеч қандай тегишли ҳужжатлари бўлмаган 

1 дона ов милтиғи, 12 дона 16 калибрли патронлар, 4 дона гильзалар, 80 дона жам, 87 дона пиж, 12 грамм порох, 143 дона дроблар борлиги аниқланди. Суриштирув-тергов ишлари давомида фуқаро Б.К. ушбу қурол-яроқларни марҳум отасидан мерос қолганлигини маълум қилган.

Мазкур аниқланган ҳолатлар юзасидан ҳуқуқбузарга нисбатан суд томонидан тегишли жазо чоралари қўлланилди.

Эслатиб ўтамиз, Ўзбекистон Республикасининг Жиноят кодексининг 248-моддасига мувофиқ тегишли руҳсатномасиз ўқотар қурол, шунингдек ўқ-дорилар, портловчи моддалар ёки портлатиш қурилмалари тайёрлаш, олиш, олиб юриш, сақлаш, олиб ўтиш ёки жўнатиш жиноий жавобгарликка тортилишга сабаб бўлади.

Модомики, шахс ушбу буюмларни ўз ихтиёри билан топширса, жавобгарликдан озод этилади.

Шу ўринда Қорақалпоғистон Республикаси божхона бошқармаси фуқароларга божхона қонунчилиги бузилишига доир ҳолатлар юзасидан (0361) 224-02-68 ишонч телефонларига қўнғироқ қилишлари мумкинлигини эслатади.

Қорақалпоғистон Республикаси божхона бошқармаси Ахборот хизмати

 

Қорақалпоғистон янгиликларини телеграмда кузатиб боринг -  https://t.me/kruzuz

Қорақалпоғистон янгиликларини facebook'да кузатиб боринг - https://www.facebook.com/groups/kruz.uz/

Қорақалпоғистон янгиликларини instagram'да кузатиб боринг - https://www.instagram.com/kruz.uz/

Бўлимлар