ТИТУ Нөкис филиалы «Start up» инновациялық идеялар ҳәм жойбарлар таӊлаўында белсене қатнасты

Хабарыӊыз бар усы жылдыӊ 19-декабрь күни Ташкент қаласында Өзбекстан Саўда-санаат палатасы, БМШ Раўажландырыў бағдарламасыныӊ «Өзбекстан Республикасы аймақларында исбилерменлик орталығын раўажландырыў» қоспа   жойбары, Инновацияларды раўажландырыў министрлиги, Өзбекстан Жаслар аўкамы Орайлық Кеӊеси ҳам басқада қатар бирге ислесиўши шөлкемлер тәрепинен «Старт ап» инновациялық идеялар ҳәм жойбарлар таӊлаўынныӊ финал басқышы болып өткен еди.
Бул финал басқышта ТИТУ Нөкис филиалы командасы белсене қатнасты.


-«Биз таӊлаўда устазымыз Азиз Кадиров пенен биргеликте ислеген Kontrakt.uz жойбары менен қатнастық. Жойбарымыздыӊ аҳмийетли тәрепи сонда, жоқары оқыў орынларыныӊ студентлери  өз шәртнама пулларын усы бағдарлама арқалы төлеў имканиятыны ийе болады ҳәм гүзетип барады-дейди»,-таӊлаў қатнасыўшысы ТИТУ Нөкис филиалы студенти Давид Конарбаев.
Таӊлаў жуўмағында ТИТУ Нөкис филиалы командасы шөлкемлестириўшилер тәрепинен «Миннетдаршылық хаты» менен сыйлықланды. 
Бундай таӊлаўлар жасларымыздыӊ инновациялық идеяларын раўажландырыўда ҳәм жаӊа тәжирийбелер топлаўында айрықша орын тутады. Себеби инновациялық идея бул жаӊалық,қолайлық ҳәм келешек тийкары. 

ТИТУ Нөкис филиалы Баспасөз хызмети

Бўлимлар