"Парламенттиң Аралға нәзери» атамасында экологиялық акция шѳлкемлестирилди

Аралға нәзер бул - Қарақалпақстан Республикасы ҳалқының бир нешше жыллық  машқаласына айланған экологиялық мәселениң бири сыпатында тилге алынады. Себеби қурыған Арал түбинен қурғақ шамалдан шаң ҳәм дуздың кѳтерилиӯи Аралға жақын районларда жасап атырған ҳалық ушын жүдә унамсыз ақыбетлерди туӯдырып келеди. Тарийхта болмаған Президентимиздиң үлкен басламасы  пүткил Қарақалпақстан ҳалқының келешегине унамлы тәсир етиӯи менен әҳмийетли болмақта.

2019-жылдың 21-февраль күни Мойнақ районында Өзбекстан Республикасы Олий Мәжилис Нызамшылық  Палатасы депутатлары басшылығында "Парламенттиң Аралға нәзери» атамасында экологиялық  акция шѳлкемлестирилди. Арал түбинде жасыл пайда етиӯ басламасы менен  2019-жыл басланған сексеӯил  тухымын егиӯде қатнасып атырған журтласларымыздан хабар алыӯ мақсетинде  тиккелей парламенттиң  депутатлары  қатнасыӯында  ҳәр бир ӯатан пидайылары менен сѳйлесип, олардың ҳәр бирине инәм етилген кийим кеншеклер ҳәм азық аӯқатлар бир күн болсада қойып берилген концерт бағдарламалары менен де кеӯлин алып, пүткил  Республиканың тарийхы ушын, ҳалқы ушын етип атырған мийнетлерин жоқары баҳалады.

Президентимиздиң Олий Мәжилиске  Мүрәжәтнамасында экология машқалаларын шешилиӯине ҳәм ҳалықтың экологиялық мәдениятын қәлиплестириӯ бүгинги тийкарғы мәселелердиң бири екенлиги, Арал апатшылығы ақыбетлерин жумсартыӯ бойынша теңиздиң қурыған түбинде тарийхымызда болмаған жумысларды даӯам еттирип, тоғайзарларды кеңейтиӯ  Нѳкис, Хийӯа ҳәм   Ургенч қалалары әтирапында «Жасыл белбаӯ»лар жаратыӯ жойбарлар ислеп шығылмақта.

Сондай ақ акция қатнасыӯшылары Мойнақ районындағы Балықшылар үй мүзейине барып, мүзей жанынынан ҚР  экология комитети басламасы менен пайда болып атырған бағдың ашылыӯ мәресими де ѳткерилди. Экология  ҳәм агро туризмди раӯажландырыӯ  мақсетинде шѳлкемлестирилип атырған бағдың ишки жумысларында районлық абаданластырыӯ басқармасы тәрепинен алып барылып, Арал бағына нәзери түскен парламент  ӯәкиллери бул басламаны унамлы қоллап-қуӯатламақда. Ѳткерилген акция қатнасыӯшыларының барлығында  күн келешекке үлкен үмитлер ҳәм  мәнаӯий мазмун бағышлаӯы менен әҳмийетли болды.

Бөлимлер