Әдиллик министрлиги тәрепинен журналистлер ушын брифинг өткерилди

Қарақалпақстан Республикасы Әдиллик министрлиги тәрепинен нызамшылықтағы жаңалықлар, кабыл етилип атырған ҳуқықый ҳүжжетлердиң мазмун-мәниси ҳәм әҳмийетин кең түсиндириў мақсетинде Ғалаба хабар қураллары ўәкиллери ушын брифинглерди өткериў әмелиятқа енгизилген.

Бүгин Қарақалпақстан телеканалы хыметкерлери яғный ҒХҚ ўәкиллери ушын нәўбеттеги брифинг шөлкемлестирилди. 
Брифингде дәслеп Қарақалпақстан Республикасы Әдиллик министрлиги жуўапкерлери тәрепинен нызамшылықтағы жаңалықлар түсиндирилди.

Жәмийетте ҳуқықый саўатлылық ҳәм ҳуқықый мәдениятты асырыўда ҒХҚ тараўы тийкарғы күш саналады. Илаж даўамында заманагөй усылда ҳуқықый үгит-нәсиятларды жүргизиўде журналистлер менен тығыз байланыста жумыс алып барыў бойынша бир қанша  ўазыйпаларда белгиленип алынды.

Мағлыўмат ушын атап өтемиз бул брифингде 2020-жыл февраль-март айлары даўамында қабыл етилген қарар ҳәм пәрман, ҳуқықый норматив-ҳүжетлер мазмуны түсиндирилди. 

Қарақалпақстан Республикасы Әдиллик министрлиги

Бөлимлер