Коӊыратта карантин қағыйдасына бойсынбаған пуқарадарға жәрийма ҳәм ҳәкимшилик қамақ жазасы тайынланды

Усы жылдың 9-апрель күни саат 17:00 лер шамасында Қоңырат районында жасаўшы пуқаралар Н.Д ҳәм М.С лар мәмлекетимизде жәрияланған карантин қағыйдаларына бойсынбай, жәмийетлик орында қорғаныў нықабын тақпастан, Қоңырат районы Наўайы көшесинде мәс ҳалатында шаўқым шығарып, сол жерде хызмет алып барып атырған ишки ислер уйымы хызметкерлериниң нызамлы талапларын орынламаған.

Пуқара Н.Д ҳәм М.Сларға Өзбекстан Республикасы ҲЖҳК 54-статьясы 1-бөлимине тийкар базалық есаплаў муғдарының 5-есеси(1115000 сум) муғдарында жәрийма, ҲЖҳК 194-статьясы 1-бөлимине тийкар базалық есаплаў муғдарының 1-есеси(223000 сум) муғдарында жәрийма ҳәм ҳәкимшилик жуўапкершилик ҳаққындағы кодексиниң 34-статьясына тийкар 15 сутка ҳәкимшилик қамақ жазасы тайынланды.

Пуқаралардан карантин кағыйдаларына толық бойсыныўды ҳәм карантин дәўиринде зәрүрликсиз көшеге шықпаўды сорап қаламыз. Бул арқалы сиз, өзиңиз ҳәм жақынларыңыздың ден саўлығын сақлаған боласыз.

Дерек: "Zaman.uz"

Бөлимлер