Жас исбилермен Халық қабыллаўханасы менен биргеликте Тахтакөпирде қайырқомлық илажын шөлкемлестирди

Өзбекстан Республикасы Президентиниң Халық қабыллаўханаларына тек ғана өз машқалаларын, наразылықларын билдирип келиўши пуқаралар емес, бәлки мәмлекетимизде усындай сынаўлы күнлерде халыққа жәрдемин тийгизиўши инсанларда өз басламалары менен келмекте.

Халыққа инсаныйлық жәрдемин бериў мақсетинде мүрәжат еткен  жас исбилермен Айбек Халмуратов Халық қабыллаўханасы менен биргеликте Республикамыздың алыс аймақларының бири Тахтакөпир районындағы "Белтаў" ҳәм "Маржанкөл" аўыл пуқаралар жыйында қайырқомлық илажы шөлкемлестирилди.

Әлбетте, коронавирус пандемиясы жағдайында мүтәж инсанларға жәрдем бериў ҳәр қашанғыданда үлкен әҳмийетке ийе ҳәм саўаплы.

"Бир жас сыпатында социаллық жәрдемим арқалы мәмлекетимизге өз үлесимди қосыўды қәледим. Сондай-ақ, бундай инсаныйлық жәрдемлерди шетки аўыл-аймақларда қөбирек даўам етиўимиз керек деген ой болды."-дейди, исбилермен А.Халмуратов.

Мағлыўмат ушын, Халық қабыллаўханалары өз қәрежетлери есабынан, сондай-ақ қәўендерлер менен биргеликте 2756 шаңараққа 219.2 млн сумлық материаллық жәрдемлер көрсетилди. 

Өзбекстан Республикасы  Президентиниң Халық қабыллаўханалары тәрепинен қайырқомлық илажлары даўам етеди.

 

Бөлимлер