Берунийде мектеп оқыўшысы алып қашқан "DAMAS" бир айдан соӊ табылды

Берунийде бир ай алдын алып қашылған "DAMAS" автомобильи ҳәм оны алып қашқан пуқара табылды. Бул ҳаққында Тергеў департаменти мәлим етпекте.

11-апрель күни саат 01:00 шамасында намәлим шахс 51 жаслы пуқара Р.М. тәрепинен Беруний районы «Кепеклиқала» көшесинде қараўсыз қалдырылған "DAMAS" автомобилин белгисиз тәрепке алып қашқан.

Жоқарыдағы ҳалат бойынша Қарақалпақстан Республикасы ИИМ жанындағы тергеў басқармасы тәрепинен намәлим шахсқа Өзбекстан Республикасы Жынаят Кодексиниӊ 267-статьясы 1-бөлими (Транспорт қуралын алып қашыў) менен жынаят иси ашылып, дәслепки тергеў ҳәрекетлерине кирисилген.

Жынаят иси бойынша алып барылган тергеў ҳәм тергеў излеў жумыслары даўамында Р.М.ға тйисли болған "DAMAS" автомашинасы Беруний районы Наўайы АПЖ аймағында жайласкан фермер хожалығы дала майданынан техникалық саз ҳалатта табылған.
Дәслепки тергеў хәрекетлери даўамында бул жынаятты Беруний районы Чиғатай көшесинде жасаўшы улыўма орта билим бериў мектебиниӊ 11-класс оқыўшысы, жас өспирим ер жетпеген 17 жаслы Б.А. ислегенлииги анықланды.
 

Искандар Юсупов

Бөлимлер