Елликқала районындағы «Еслеў ҳәм қәдирлеў майданы»на гүлшеӊберлер қойылды

Ҳәр бир инсан, миллет ҳәм халық - тарыйхый еслеў туйғысы менен ата-бабалар үгит-нәсияты, миллий мыйрасларын аӊлатып турыўшы өтмиши, тарыйхы менен мақтана алады. Биз сондай халықпыз, ата-бабалары саўаш майданларында мәртлик көрсетип душпанды жексен еткен, кеўли дәрья аналары жетимлердиӊ басын сыйпап меҳир көрсеткен. Ал, келешек әўладлары мудамы өткенлер руҳын яд етип, мүнәсип перзентлер болған,-  ўатансүйгиш инсанлармыз.

Күни кеше, Өзбекстан жаслар аўқамы Қарақалпақстан Республикалық Кеӊеси баслығы,  сенатор Абатбай Данияров, Өзбекстан Республикасы Олий Мажлиси Сенатының ағзасы Гүлистан Аннақлычевалар 9-май «Еслеў ҳәм қәдирлеў күни» мүнәсибети менен Елликқала районындағы «Еслеў ҳәм қәдирлеў майданы»на район ҳәким Сейдамат Авезов пенен биргеликте бүгинги тыныш турмысымыз ушын жанын пидә еткен мәртлик тымсаллары болған қаҳарманларымыз ҳүрметине гүлшеӊберлер қойды.

Инсан – әзийз, еслеў- мүқәддес. Бул бүгинги күнниӊ яд сөзлери. Жасы үлкенге ҳүрмет, кишиге иззет көрсетиўдей пәзийлетлер ийеси болған аўызбиршиликли халқымыз мәӊги қаҳарманларымыз мәртлигин ҳеш қашан умытпайды.

Бөлимлер