Министрликтиң Мәлимлемеси: Бақшалар қашаннан иске түседи?

Усы күнлерде көпшилик ата-аналарды «Бақшалар қашан иске түседи?», деген сораў қызықтырмақта.

Өзбекстан Республикасы Мектепке шекемги билимлендириў министрлигиниң Мәлимлеме хызмети бул сораўға айдынлық киргизип, ата-аналар ҳәм мектепке шекемги билимлендириў шөлкемлериниң басшыларына төмендегилерди мәлим етти.

«Мектепке шекемги билимлендириў министрлиги сизге соны мәлим етеди, Республикалық арнаўлы комиссияның усы жыл 8-майдағы айрықша аймақларда карантин илажларын жумсартыў ҳаққындағы қарарына қарамастан, қәўипсизликти тәмийинлеў мақсетинде билимлендириў мәкемелери ҳәм оқыў курслары, соның ишинде, мәмлекетлик, жеке меншик, шаңарақлық, мәмлекетлик-жеке меншик шериклик тийкарындағы МШБлардың жумысына шеклеў өз күшинде қалады.

Бул шеклеў илажларын созыўдан мақсет, балалардың қәўипсизлигин тәмийинлеў ҳәм олардың саламатлығын коронавирус инфекциясын жуқтырып алыў қәўпинен қорғаў болып табылады.

Өзбекстан Республикасы нызамшылығында карантин илажларына бойсынбағаны ушын ҳәкимшилик ҳәм жынайый жуўапкершилик белгиленгенин еслетип өтемиз.

Карантин илажларын жумсартыў басқышпа-басқыш әмелге асырылады ҳәм балалар тәрепинен коронавирус инфекциясын жуқтырып алыў қәўипи толық сапластырылған ўақта, МБШлардың жумысы тикленеди.

Елимизде балалардың саламатлығы ушын қәўипсиз эпидемиологиялық жағдай турақласқаннан соң, Мектепке шекемги билимлендириў министрлиги МБШ лардың жумысы тикленетуғыны ҳаққында қосымша мәлим етеди».

ӨзА

Бөлимлер