Пластик картадан алдаў жолы менен қалай пуллар өзлестирилмекте?

Бул ҳаққында Орайлық банк телеграм каналында айтып өтилди. Онда айтылыўынша, банк картасы яғный реквизиторлар –карта ийесиң унификация ҳәм идентификация қылыў ҳәм картаның әмел қылыў мүддетин белгилейди.Сондай-ақ, реквезиторлар банк картасын аралықтан хызмет көрсетиў системасына жалғаныў ушын пайдаланылады.

"Банк картасындағы номерлер басқа шахсқа ашкар болыўы қәўип туўдырмайды, бырақ, бийтаныс шахслар тәрепинен карта ийесиниң рухсатысыз аралықтан хызмет көрсетиў системасына жалғаныў ушын карта реквизиторлары киритилгенде карта ийесиниң уялы телефонына СМС-хабарнама хызметы арқалы жасырын код яки санлы хабарнама келеди. Егер, бул хабар (код) бийгана шахсқа ашкар болса аралықтан турып картадағы пулды өзлестириў имканыяты туўылады.

Мысал ушын, алдаўшы өзин банк хызметкери яки түрли акциялар шөлкемлестириўшиси сыпатында телефонда таныстырып, картаға белгиленген муғдарда пул өткерип бериўди усыныс еткен жағдайда банк картасы ийесиниң мобиль телефонына келген "тасдыйықлаўшы код" ты сораўы мүмкин.Бул жағдайда сол кодты оларға ашкар қылмаў ҳәм ишки ислер органларына хабар бериў лазым.

Банк картасы ийесиниң мобиль телефонына "СМС-хабарнама" хызмети арқалы келген жасырын кодты басқа шахсларға ашкар қылмаў банк картасындағы пулды өзлестириў имканын жоққа шығарады",делинген Орайлық банк хабарында.

Бөлимлер