Айдаўшылық гүўалығын жаңа үлгидеги гүўалыққа алмастырыў мүддети узайтырылды

Ҳүкүметтиң айырым қарарларына өзгерислер киритилди (319-сан, 22.05.2020 ж.).

Киритилген өзгерислерге көре, ески үлгидеги миллий айдаўшылық гүўалығын жаңа үлгидеги гүўалыққа мәжбүрий алмастырыў мүддети 2021-жыл 31-декабрьге шекем узайтырылды (бурын  2020-жыл 31-декабрьге шекем еди).

Сондай-ақ, бурынғы үлгидеги миллий айдаўшылық гүўалықлары ҳәм автомототранспорт қураллары дизимнен өткерилгенлиги ҳаққындағы гүўалықлар 2022- жыл 1-январдан баслап ҳақыйқый емес болып есапланады (бурын 2021-жыл 1- январьға шекем еди).

Буннан тысқары, автомототранспорт қуралын 12 ай даўамында басқарғанлығын тастыйықлаўшы ҳүжжетлер қатарына транспорт қуралы ийесиниң жақынлары  ушын автомототранспорт қуралы дизимнен өткенлиги ҳаққындағы гүўалық  ҳәм транспорт қуралы ийесиниң пуқаралық жуўапкершилигин мәжбүрий қамсызлантырыў бойынша қамсызлантырыў полисы де қосылды.

https://t.me/huquqiyaxborot

Бөлимлер