Ең арзан гөш қай жерде? Базарлардағы жаңа баҳалар анықланды

Өзбекстан Республикасы  Мәмлекетлик статистика комитети базарлардағы баҳалар ҳаққында мағлыўмат берди.

Комитет Республика аймақларындағы орайлық дийхан базарларында 2020 -жыл 26-май күни тексериў өткерип, айырықша түрдеги азық-аўқат өнимлериниң минимал -максимал баҳаларын келтирип өтти.

Атап айтқанда, мал гөши қара малдың гөши (сүйексиз гөштен тысқары) 37 000 сўмнан 65 000 сўмға шекем (кг)

Тексериў нәтийжелерине көре, 1 кг қара малдың гөшиниң (сүйексиз гөшинен тысқары ) минимал баҳасы Нөкис қаласының «Нөкис дийхан базары»нда белгиленген (37 000 сум). Қара малдың гөшиниң максимал баҳасы болса, Ташкент қаласының «Олой дийхан базары», «Фарҳод дийхан базары» ҳәм «Миробод дийхан базары»нда анықланды (65 000 сўм).

Қой гөши 39 000 сўмнан 75 000 сўмға шекем (кг)

Қой гөшиниң минимал баҳасы Ташкент қаласының «Миробод дийхан базары»нда (39 000 сум) дизимге алынған. Максимал баҳасы болса, Ташкент қаласының «Олой дийхан базары»нда (75 000 сум) анықланды.

Картошка 1 500 сўмнан 7 000 сўмға шекем (кг)

Алып барылған тексериў нәтийжелерине көре, картошканың минимал баҳасы Термиз қаласының «Орайлық дийхан азық-аўқат базары»нда белгиленген (1 500 сўм). Максимал баҳасы Ташкент қаласының «Олой дийхан базары»нда (7 000 сум) жазылды.

Пияз 500 сўмнан 3 000 сўмға шекем (кг)

Пияздың минимал баҳасы Термиз қаласының «Орайлық дийхан азық-аўқат базары»нда (500 сўм) дизимге алынды. Максимал баҳасы болса, Ташкент қаласының «Олой дийхан базары»нда анықланды (3 000 сўм).

Гешир 1 000 сўмнан 5 000 сўмға шекем (кг)

Гешир өниминиң минимал баҳасы Жыззах қаласының «Ески қала дийхан базары», Термиз қаласының «Орайлық дийхан азық-аўқат базары» ҳәм «Термиз қаласы дийхан азық-аўқат базары», Ферғана қаласының «Орайлық дийхан базары», Ташкент қаласының «Миробод дийхан базары» ҳәм «Фарҳод дийхан базары»нда (1 000 сўм) белгиленген. Максимал баҳасы Ташкент қаласының «Олой дийхан базары» ҳәм «Миробод дийқан базары»нда (5 000 сўм) анықланды.

Мәйек 6 000 сўмнан 13 000 сўмға шекем  (10 дана )

Мәйектиң минимал баҳасы Гүлистан қаласының «Гүлистан дийхан базары»нда дизимге алынды (6 000 сўм). Максимал баҳасы Ташкент қаласының «Олой дийхан базары»нда белгиленди (13 000 сўм).

Гүриш 4 000 сўмнан 18 000 сўмға шекем (кг)

Тексериў нәтийжелерине көре, гүриш өниминиң минимал баҳасы Термиз қаласының «Орайлық дийхан азық-аўқат базары» (жергиликли жетистирилген гүриш) ҳәм Гүлистан қаласының «Гүлистан дийхан базары»нда дизимге алынған («Ғәрезсизлик» сортлы жергиликли гүриш 4 000 сум). Максимал баҳасы болса, Ташкент қаласының «Олой дийхан базары»нда анықланды. («Лазер» сортлы гүриш 18 000 сум).

Өсимлик майы 8 400 сўмнан 14 500 сўмға шекем (литр)

Тексериў нәтийжелерине көре, өсимлик майының минимал баҳасы Ташкент қаласының  «Миробод дийхан базары»нда (жергиликли пахта майы 8 400 сўм) анықланды. Максимал баҳасы болса, Ташкент қаласының «Олой дийхан базары»нда (айғабағар майы 14 500 сўм) анықланған.

Қумшекер 5 500 сўмнан 7 000 сўмға шекем (кг)

Тексериў нәтийжелерине көре, қумшекер өниминиң минимал баҳасы Ташкент қаласының «Олой дийхан базары», «Фарҳод дийхан базары», «Миробод дийхан базары», «Ески жўва дийхан базары» ҳәм «Қойлық дийхан базары»нда (5 500 сўм) анықланды. Максимал баҳасы Ташкент қаласының «Миробод дийхан базары»нда (7 000 сўм) анықланған.

Бөлимлер