Июнь айынан баслап «жасыл» ҳәм «сары» аймақларда ишки туризм қайта жолға қойылады

Өзбекстанда 1-июнь, дүйшемби күнинен баслап «жасыл» ҳәм «сары» түрдеги аймақларда ишки туризм тикленеди. Бул Президент имзалаған «Коронавирус пандемиясының кери тәсирин кемейтиў ушын туризм тараўын  қоллап-қуўатлаўға қаратылған, кешиктирип болмайтуғын иләжлар ҳаққында»ғы пәрманда көзде тутылған.

Ҳүжжет пенен Республика арнаўлы комиссиясы жәмийетлик шөлкемлер ҳәм туризм тараўы субъектлариниң:

белгиленген санитария-гигиена  талапларына толық бойсынған ҳалда 2020-жылдың 1-июнынан «жасыл» ҳәм «сары» түрлерге кириўши аймақларда ишки туризмди қайта жолға қойыў менен биргеликте басқа да шөлкемлердиң  (туроператорлар, турагентликлер, жайластырыў қураллары, мәденият  ҳәм мәдений мийрас объектлери ҳәм басқалар) искерлигин баслаў

Пуқараларға Өзбекстан Республикасына кириўге рухсат етилетуғын мәмлекетлер дизимин белгилеп алған ҳалда сыртқы туризмди басқышпа-басқыш қайта тиклеўге қаратылған усыныслар мақулланды.

Еслетип өтемиз, Өзбекстан 16-марттан баслап сыртқы туристлер ушын жаўылған еди.Сол ҳәм кейиншелли киритилген шеклеўлер  нәтийжесинде 1,5 мыңнан артық туроператор, 1,2 мың мийманханалар өз искерлигин тоқтатқан еди.

Бөлимлер