Өзбекстан сырттан әкелинетуғын жеңил автомобиллерге акциз салығын бийкарлайды

«Сыртқы экономикалық искерликти еле де тәртипке салыў ҳәм автотранспорт қуралларының ишки базарын раўажландырыўды хошаметлеўге байланыслы илажлар ҳаққында» Президент қарары қабылланды.

Қарарға муўапық, 2020-жыл 1-августтан баслап 8701 (тракторлар), 8702 (10 яки оннан артық адамды тасыўға арналған моторлы транспорт қураллары), 8703 (жеңил автомобиллер) ҳәм 8704 (жүк тасыўға мөлшерленген моторлы транспорт қураллары) ТИФ ТН кодлар бойынша транспорт қуралларын алып кириўде әмелде болған акциз салығы ставкалары бийкарланады

Autostrada сайтының жазыўынша, шеттен алып келинетуғын жеңил автомобиллер ушын акциз салығының бийкарланыўы импорт автомобиль баҳасын кеминде 2400 долларға ҳәм оннан көбирекке арзаныўына себеп болады.

@bayonotuz телеграм каналының есап-санағына бола, «импорт машина» шәртли атамадағы автомобильдиң двигатель көлеми 1,6, анығырақ стандарт бойынша айтсақ, 1591 куб см. кестеге қараймыз, бундай двигателдеги машиналардың ҳәр куб.см ушын 2,6 доллар акциз алынады. 1591ды 2,6ға көбейтемиз: 4136 доллар, 60 цент.

«Импорт машина» усы күнге шекем Өзбекстанда шәртли түрде 17 136 доллардан сатылған болса, акциз салығынан азат етилиўи есесине оның баҳасы шама менен 13 мың долларға түсиўи керек болады. Яғный 4 136 долларға арзанлайды.

Мағлыўмат ушын, Өзбекстан Республикасы аймағына алып кирилетуғын, акциз салығына тартылатуғын товарларға акциз салығы ставкалары Президенттиң ПҚ-3818-сан (https://lex.uz/docs/3802366#3803226) қарары менен тастыйықланған.

Дерек: makan.uz

 

Бөлимлер