Жол шетинде айран, гөже сыяқлы салқын ишимликлерди сатыўға рухсат берилди ме?

Өзбекстан Санитария-эпидемиялогия қадағалаўы мәмлекетлик инспекциясы бас инспекторы Нурмат Атабеков 3-июнь, сәрсенби күни болған брифингде жаз айында жол шетинде сатылатуғын, үй шараятында таярланған айран, гөже яки салқын ишимликлер мәселесинде берилген сораўға жуўап берди.

Нурмат Атабековтың айтыўынша, рухсат берилмеген үлкен жол жағалары, турақсыз орынларда барлық түрдеги өнимлерди, атап айтқанда, үй шараятында таярланған салқын ишимликлер, бочкалардағы морслар, фрейзерде қуйып берилетуғын муз қаймақларды сатыў қадаған етиледи.

Министрлер Кеңесиниң 378 хәм 251-санлы қарарларына муўапық, нызамсыз көше саўдасы қадағалаўы салық органларына жүклетилген.

Бөлимлер