Жол ҳәрекети қатнасыўшылары ЖПХ хызметкерлери менен қатнасықларда қандай ҳуқықларға ийе?

Жол ҳәрекети қатнасыўшылары жол-патруль хызмети (ЖПХ) хызметкерлери менен қатнасықларда төмендеги ҳуқықларға ийе. 

- ЖПХ хызметкери тәрепинен тоқтатыў тийкарлары ҳәмде қағыйдалардың қайсы бәнти бузылғанлығы ҳаққында түсиндирме бериўди талап етиў;

- транспорт қуралын тоқтатқан ЖПХ хызметкеринен өзин таныстырыўды, хызмет гүўалығын көрсетиўин ҳәм көкрек белгисин мәлим етиўин талап етиў;

- хызметти мобиль видеокамерасыз алып барып атырған ЖПХ хызметкерине ҳүжжетлерди бермеў;

- ЖПХ хызметкери менен өзара мүнәсибетин өзине тийисли аудио, фото ҳәм видео қурылмаға дизимге алыў (қадаған етилген белги бар болған аймақлардан тысқары);

- нызам ҳүжжетлеринде нәзерде тутылған жағдайлардан тысқары транспорт қуралы кабинасынан шықпастан, ЖПХ хызметкери менен өзара қатнасыққа кирисиў;

- ислеген қағыйдабузарлығы дизимге алынған арнаўлы маслама нәтийжелери менен танысыў;

- ҳуқықбузарлық жағдайын анықлаўда пайдаланылған арнаўлы қураллардың салыстырыў сертификатларын көрсетиўди талап етиў;

- ҳуқықбузарлық жағдайы байынша түсиниклер бериў;

- тийкарсыз тоқтатып турылмаслығын талап етиў;

- ЖПХ хызметкери тәрепинен транспорт қуралын ямаса ондағы жүкти сыртқы көзден кешириў процессинде қатнасыў;

- өзи тоқтатылған аймақта ЖПХ хызметкери хызмет алып барыўы мүмкинлиги ҳаққындағы дислокация көширмеси менен сол орынның өзинде танысыў;

- ҳәкимшилик баянлама рәсмийлестирилгеннен соң ЖПХ хызметкериниң дислокациясы сақланып атырған қатар бөлими баслығынан дислокация ҳаққында жазба мағлыўмат бериўди талап етиў;

- өзине қатара рәсмийлестирилген ҳәкимшилик ҳуқықбузарлық ҳаққындағы баянлама ҳәм басқа ис ҳүжжетлери менен танысыў, олардан өз есабынан нусқа көшириў ямаса оларды фотосүўретке алыў;

- ЖПХ хызметкериниң ҳәрекетлери ямаса ҳәрекетсизлиги, рәсмийлестирилген ҳәкимшилик баянлама үстинен жоқары турыўшы органға ямаса судқа шағым етиў;

- өзи гүўасы болған ҳәдийсе ҳаққында ЖПХ хызметкерине ҳақыйқый мағлыўматты баян етиў.

Дерек: @huqiqiymalimleme

Бөлимлер