Спиртли ишимлик ишип ҳаял-қызлар кошелёгин алып қашқан пуқараға неше жыл мүддетке азатлықтан шеклеў жазасы тайынланды?

С.Т спиртли ишимлик ишкен мәс ҳалында өзгениң мал-мүлкин таланшылық жолы менен қолға киритиў мақсетинде, 2019-жыл 11-декабрь күни саат 17:00 лерде Нөкис қаласы “Орайлық дийхан базарында” саўда қылып жүрген пуқара В.К арқасынан келип, оның қолындағы ишинде баҳасы 1.200.000 сумлық “Huawei Y5” маркалы қол телефоны, 13.000 сум пуллары, 30.000 сумлық қол браслети, 20.000 сумлық дәрилери, 50.000 сумлық ҳаял-қызлар боянатуғын буйымлары болған баҳасы 50.000 сумлық қызыл реңли ҳаял-қызлар кошелёгин қолынан жулып алып, ашықтан-ашық талан-тараж қылып, ўақыя жеринен қашып баратырғанында, пуқара В.К оның изинен қуўып услап алғанында, оның қолынан шығып кетип, және қашып баратырғанында, сол жердеги пуқаралар ҳәм ўақыя орнына жетип келген ишки ислер органлары хызметкерлери тәрепинен усланғанлығы себепли, жынайый ҳәрекетин өзине байланыслы болмаған ҳалда ақырына жеткере алмаған.

Солай етип, С.Тансыкбаев өзиниң жоқарыда көрсетилген жынайый ис-ҳәрекетлери менен Өзбекстан Республикасы ЖКниң 25,166-статьясы 1-бөлиминде нәзерде тутылған жынаятты қасттан сәдир еткен.

Судланыўшы Тансыкбаев Саламат Шарибаевич Өзбекстан Республикасы Жынаят кодекси 25,166-статьясы 1-бөлиминде нǝзерде тутылған жынаятты сǝдир еткенликте айыплы деп табылсын.

Судланыўшы Тансыкбаев Саламат Шарибаевичке Өзбекстан Республикасы Жынаят кодекси 25,166-статьясы 1-бөлими менен 2 (еки) жыл мүддетке азатлықтан шеклеў жазасы тайынлансын.

Бөлимлер