Барлық аймақларда олардың категориясына қарамастан төмендеги карантин талаплары сақланып қалады

жəмийетлик орынлар ҳəм исбилерменлик жумысы объектлеринде аралық (2 метр)ты сақлаў, үш адамнан артық жыйналмаў, пуқаралардың медициналық нықаптан ҳəм антисептик қураллардан турақлы түрде пайдаланыўы;

билимлендириў мəкемелери (мектеп, лицей, колледж, техникум, институт, университет ҳəм басқалар) жумысын жолға қоймаў;

кеўилашар объектлер – түнги клублар, дискотека, спа ҳəм массаж салонлар,  караоке, бильярд заллары, шылым (кальян) ҳəм компьютер ойынлары орайларының жумысына жол қоймаў;

концерт, театр, кинотеатр ҳəм спорт илажларын (профессионал футбол клублары оқыў шынығыўлары ҳəм Ɵзбекстан профессионал футбол лигасы чемпионатлары буған кирмейди) өткермеў;

жəмийетлик транспорт ҳəрекетине руқсат етпеў;

дийқан, қурылыс базарлары, азық-аўқат ҳəм азық аўқат емес саўда орынлары (супермаркет ҳəм басқа ири дүкəнлар) кириў-шығыў орынларын пирометр ҳəм антисептик қураллар менен тəмийинлеў ҳəм ҳəр бир пуқараның дене ыссылығын өлшеп, 370С ҳəм оннан жоқары болған жағдайда, усы комплекслерге киргизбеў илажларын көриў;

барлық мəкемелер кириў-шығыў орынларын пирометрлер, антисептик қураллар ҳəм дезинфекциялық «төсеклер» менен тəмийинлеў ҳəм хызметкерлер тəрепинен өз-ара аралық (2 метр) ты сақлаған ҳалда жумыс алып барыўын тəмийинлеў;

қурылыс-оңлаў жумысларында объектлердиң аймағы толық карантинге алыныўы ҳəм аймақлық санитариялық-эпидемиологиялық тынышлық орайлары менен биргеликте объектлерде санитариялық-гигиеналық илажлардың əмелге асырылып барылыўы. Онда, усы мəкеме-шөлкемлердиң жумыс алып барыў дəўиринде санитариялық ҳəм гигиеналық қағыйдаларға толық əмел етиўи, өз жумысын тек тийисли объект аймағы шеңберинде ғана шөлкемлестириў.

«Қызыл» категорияға кириўши аймақларда карантин шеклеўлери талапларын орынламаў, сондай-ақ, «жасыл» ҳəм «сары» категорияға кириўши аймақларда руқсат етилген жумыс түрлерин орнатылған арнаўлы талапларға əмел етпеген ҳалда алып барыў тийисли жуўапкершиликке себеп болады.

Қарақалпақстан Республикасы Министрлер Кеңесиниң Мəлимлеме хызмети

 

Бөлимлер