Арнаўлы комиссияның қарары менен, COVID-19 бенен кеселленген наўқаслар үш категорияға ажыратылады

1. кеселликтиң жеңил формасы, яғный кеселлик белгилери (симптомлары) билинбей өтип атырғанлар;
2. кеселликтиң орташа аўыр формасы (дене ыссылығы көтерилип атырған);
3. кеселликтиң аўыр формасы.

Усы категорияларға қарап емлеў тәртиби 5-июль күнинен басланып, оған муўапық:

кеселликтиң жеңил формасындағы наўқасларға шыпакер усыныслары тийкарында, зәрүр шараятлар болса, үйде емлениўине рухсат бериледи;

емлеўханаларда ҳәм үйде емленип атырған кеселликтиң жеңил формасындағы наўқасларда 10 күнниң ишинде клиникалық белгилер анықланбаған жағдайда қадағалаўдан шығарылады;

коронавирус инфекциясы анықланған адамлар менен байланыста болғанлар 14 күнлик карантин мүддетин үйде яки мийманханаларда (дизимде бар болған) санитариялық-эпидемиологиялық талапларға бойсынған ҳалда өткериўге рухсат бериледи;

коронавирус антиденелерине ИФА тексериўге жеке меншик медициналық мәкемелерге де рухсат берилиўи мүмкин.

Ишки ислер, Миллий гвардия және Мәҳәлле ҳәм шанарақты қоллап-қуўатлаў министрлиги үйинде кеселликтиң жеңил формасынан емленип атырған наўқасларды ҳәм кеселленгенлер менен байланыста болған карантин мүддетин өткерип атырғанларды мәнзиллери бойынша қатаң қадағалаўға алады.

✍????@xaliq_ushin

Бөлимлер