Төрткүл гүзары ҳәм Қарақалпақстан көшеси кесилиспесинде «Lacetti»диң өртенип кетиўи бойынша рәсмий мағлыўмат берилди

"Ласетти"диң жаныўы бойынша рәсмий мағлыўмат

2020-жыл 30-июнь күни саат 06:55 де  Нөкис каласы Торткул гузары ҳәм Қарақалпақстан көшеси кесилиспесинде ҳәрекетленип атырған пуқара З.К.ға тийисли болған, пуқара К.К басқарып баратырған Лаcетти маркалы ақ реңли автомобилдиң мотор бөлиминде өрт келип шыққан.

Нөкис каласы Айрықша жағдайлар бөлиминиң 2-өрт-қутқарыў бўлиминен 2 өрт өшириў экипажлары ўақыя орынына жетип барды ҳәм өрт сапластырылды.

Өрттиң келип шығыўына жол транспорт хадийсеси себеп болмаған.

Өрт автомобилдиң мотор бөлиминдеги электр сымларының қысқа тутасыўынан келип шыққан болыўы мүмкинлиги болжанбақта.

Пуқараға өрт ақыбетинде келтирилген материаллық зыян тексериўлер даўамында анықланады. Ўақыя ақыбетинде пуқаралардың ден-саўлығына ҳәм өмирине зыян жетпеген.

Қарақалпақстан Республикасы Айрықша жағдайлар басқармасы ҒХҚ ҳәм ЖШМБИ топары баслығы аға лейтенант Айбек Абдирахманов

Бөлимлер