Жаслар күни байрамы мүнәсибети менен Халық билимлендириӯ министрлигиниң жасларға қутлықлаӯы

Бүгинги күнде мәмлекетимизде Президентимиз тәрепинен жасларға кең имканиятлар, шәрт-шараятлар жаратылып берилмекте. Заманагөй мектеплер, Президент мектеби ҳәмде спорт комплекслери қаншадан-қанша халықтың дем алыӯ орынлары қурылмақта. Булардың бәршеси тек жаслар ушын жаратылған имканиятлардың жемиси.  
Буннан тысқары 2019-жыл 19-март күни Өзбекстан Республикасы Президенти Ш.М.Мирзиёев басшылығында болып өткен видеоселекторда жасларға итибарды күшейтириӯ, жас әӯладты мәденият, көркем-өнер, физикалық тәрбия ҳәм спортқа тартыӯ, оларда хабар технологияларынан нәтийжели пайдаланыӯ көнликпесин қәлиплестириӯ, жаслар арасында китапханлықты кең ен жайдырыӯ, ҳаял-қызлар бәнтлигин тәмийинлеӯ мақсетинде, әсиресе мәмлекетимиз басшысы руӯхый-ағартыӯшылық тараӯларындағы жумысларды жаңа система тийкарында жолға қойыӯ бойынша 5 әҳмийетли басламаны алға сүрген еди. Мине, усы баслама тийкарында Республикамыздың бәрше аймақларында, қысқа ӯақыт ишинде көлемли жумыслар әмелге асырылды. Сондай-ақ, ҳәзирги күнде республикамыздағы 726 мектепте өткерилип атырған ҳәр қыйлы көрик таңлаӯларлар ҳәмде пән олимпиадаларында  тәлим-тәрбия алып атырған жасларымыз ушын кең имканиятлар жаратылды. Соның менен бирге, мектеп оқыӯшы жаслары арасында “Сап денеде сап ақыл” дегендей ҳәр қыйлы спорт жарыслары да, турнирлер де жолға қойылып, перзентлеримиздиң кәмил инсан болып жетилисиӯинде үлкен хызмет атқармақта.
Мәмлекетимизде китапқа, әдебиятқа деген қызығыӯшылықтың жоқары екенлигин дәлиллеӯши Өзбекстан жаслар аўқамы тәрепинен ҳәр жылы өткерилиўи дәстүрге айланып киятырған «Жас китапқумар» таңлаўының Өзбекстан Республикалық финал басқышында 15-19 жаслы қатнасыўшылар арасында Нурсулыў Қоқанова 282,9 балл топлап, ең жоқары балл менен          1-орынды ийеледи ҳәм жеңимпаз ушын берилетуғын «Spark» автомобилине ийе болған болса, Қубла Африка мәмлекетиниң Дурбань қаласында мектеп оқыўшылары арасында болып өткен, Халықаралық математика жарысына Шымбай районындағы 5-санлы улыўма билим бериў мектебиниң 9-класс оқыўшысы Дамир Дилмуратов қатнасып, командалық есапта бронза медалын алыўға ерискенлигин айрықшы атап өтиӯ орынлы. Бундай жетискенликлерге ерисиӯде Президентимиздиң бүгинги жасларымызға жаратып берген үлкен мүмкиншиликлериниң жемиси екенлиги ис жүзиндеги дәлийли. 
Сондай-ақ, бүгинги күнде мектеплеримиздиң материяллық-техникалық базалары түп тийкарынан жаңаланды. Атап айтқанда, компьютер класслары, оқыӯ лабораториялық ханалар, китапхалардың китап фондының ҳәр қыйлы китаплар менен байыӯына ерисилди. 
Ҳүрметли жаслар! 30-июнь – Жаслар күни мүнәсибети менен Республикамыздың келешиги болған бәрше жасларды байрам менен қызғын қутлықлайман. Сизлердиң ҳәр бириңизге беккем денсаӯлық, мол табыс, шаңарағыңызға аманлық ҳәмде халық ийгилиги жолындағы пидайы ислериңизде күш-ғайрат тилеймен.

Ҳүрмет пенен,

Қарақалпақстан Республикасы Халық билимлендириӯ министри А.Аяпов

Бөлимлер