Жаслар ислери агентлиги шөлкемлестирилди

“Өзбекстан Республикасында жасларға байланыслы мәмлекетлик сиясатын түп-тийкарынан реформалаў ҳәм жаңа басқышқа алып шығыў ис-илажлары ҳаққында”ғы Президент Пәрманы қабыл етилди. 

Пәрманға муўапық, Өзбекстан Республикасы Жаслар ислери агентлиги (Агентлик) ҳәмде оның Қарақалпақстан Республикасы, ўәлаятлар, Ташкент қалалық басқармалары ҳәм район (қала) бөлимлери шөлкемлестирилди. 

Агентликтиң тийкарғы ўазыйпа ҳәм искерлик бағдарлары белгиленди. 

Агентлик, атап айтқанда, жаслар менен байланыслы тараў ҳәм бағдарларда бирден бир мәмлекетлик сиясат, стратегиялық бағдарлар ҳәм мәмлекетлик бағдарламаларын ислеп шығады ҳәмде әмелге асырады. 

Сондай-ақ, Агентлик жаслар сиясаты тараўындағы нызам ҳүжжетлерине әмел етилиўи үстинен мәмлекетлик қадағалаўды әмелге асырады.

Пәрман менен Өзбекстанда жасларға байланыслы мәмлекетлик сиясатын жәнеде раўажландырыўға байланыслы қосымша ис-илажлар бағдарламасы тастыйықланды.

Бағдарламада, атап айтқанда, Өзбекстан жаслары порталын шөлкемлестириў ҳәм онда жаслар сиясатын баҳалаў миллий индекслери ҳәмде жасларға байланыслы нызам ҳүжжетлери базасын қәлиплестириў белгиленген. 

Бағдарламада нәзерде тутылған илажлар Агентлик тәрепинен туўрыдан-туўры ямаса мәмлекетлик емес коммерциялық емес шөлкемлерине социяллық буйыртпа формасында ажыратылауғын мәмлекетлик грантлар ҳәм  субсидиялар бөлистириў арқалы финансластырылады.


@huqiqiymalimleme

Бөлимлер