Қарақалпақстанда 56 жаслы ҳаял коронавирустан қайтыс болды

Нөкис қаласында жасаўшы З. Д. да 23-июнь күни бас аўырыўы,  дене температурасы көтерилиўи,  жөтел,  мурыннан суў ағыўы,  түшкириў,  қалтыраў ҳәм иштей жоғалып кетиўи гүзетилген. Наўқас ҳеш кимге мүрәжат етпестен үйинде өзи емленген.

 29-июньда Республика жуқпалы кеселликлер емлеўханасына алып келинген ҳәм бөлек ханаға жайластырылған.

 Сол күни онда "COVID-19" инфекциясының аўыр кешиўи,  еки тәреплеме пневмония, дем жетиспеўшилигиниң 3-дәрежеси,  жүрек қан-тамыр жетиспеўшилигиниң 3-дәрежеси,  өткир респиратор дистресс синдроми анықланған.

Наўқас зорығыў стенокардияси,  гипертония кеселлигиниң 3-дәрежеси,  артериал гипертензияның 3-дәрежеси,  қантлы диабеттиң 2-түри,  семизликтиң 2-дәрежесинен де емленип келген.

Реанимацион емлеўлерге қарамастан, наўқас өткир жүрек қан-тамыр ҳәм ҳаўа жетиспеўшилигинен қайтыс болды.

Дерек: Koronavirusinfouz

Бөлимлер