Келеси ҳәптеден дем алыс күнлери көшеге шығыў қадаған етиледи

Халық арасынан коронавирус инфекциясының тарқалыў шынжырларын үзиў мақсетинде Республика арнаўлы комиссиясы қарары менен 2020- жыл 13-июльдан 2020-жыл 1- августқа шекем Республика көлеминде төмендеги карантин шеклеўлери киритиледи: 

- шаштәрезхана ҳәм гөзаллық салонлары искерлиги тоқтатылады;

- жергиликли (ишки) авиақатнаўлар ҳәм темир жол қатнаўы тоқтатылады;

- 65 жастан асқан шахсларға “өзин өзи жеккелеў” жасаў тәризине қатаң әмел етиў ҳәм себепсиз үйден далаға шықпаў усыныс етиледи.

Сондай-ақ, усы жылдың 18-19- июль ҳәм 25-26-июль (шемби ҳәм екшемби) күнлери пүткил сутка даўамында Республика көлеминде ҳәрекетлениў, автотранспорт қуралларының, тийкарынан, жөнелиссиз таксилердиң ҳәрекети толық тоқтатылады. 

Усы шеклеўлер арнаўлы рухсатнама (стикер)лар тийкарында ҳәрекетленетуғын автотранспорт қуралларына ҳәм Республика арнаўлы комиссиясының усы жыл 8- июльдағы қарары менен тастыйықланған автотранспорт қураллары ҳәрекетлениўине арнаўлы рухсатнамалар талап етилмейтуғын ҳалатларға қарата қолланылмайды.

Дерек: @hudud_inform

Бөлимлер