Нөкис қаласында автомобильлердиң ҳәрекетлениўи бойынша қосымша жаңалық

Қарақалпақстан Республикасы ИИМ ЖҲҚ басқармасынан хабар берилиўинше, пайтахтымыз Нөкис қаласында 29-июльдан баслап арнаўлы рухсатнамасыз (стикерсиз) тек ғана күнниң белгиленген ўақты аралығында (шемби ҳәм екшемби күнлеринен тысқары саат 07:00 ден – 10:00 ге шекем, 17:00 ден – 20:00 ге шекем), карантин қағыйдаларына әмел еткен ҳалда қала ишинде жумыс орынларына барып-келиў, дәри-дәрмақлар, азық-аўқат ҳәм биринши нәўбеттеги зәрүр болған өнимлерди сатып алыў ушын ҳәрекетлениўге рухсат берилген.

Бул тәртип ертең, 30-июль күни де даўам етип, автомобильлер күнниң белгиленген ўақтында ҳәрекетлениўи мүмкин болады.

Бирақ, 31-июль ҳәм 1-2-август күнлери автомобильлердиң ҳәрекетлениўи шекленеди.

Еслетип өтемиз, алдын Нөкис қалалық ҳәкимлиги пайтахтымызда автомобильлердиң күнниң белгиленген ўақтында ҳәрекетлениўи бойынша тәртип 3-августтан басланатуғыны ҳаққында хабар берген еди.

Ислам Матеков,
Қарақалпақстан хабар агентлиги.

Бөлимлер