Кеселликке қарсы гүресте иммунитетти көтериў ушын керекли усыныслар

Бул кеселлик тийкарынан жоқары ҳәм төменги дем алыў жолларын зыянлайды. Иммунитети беккем болған инсанларда бул кеселликке шалыныў қәўипи жүдә төмен болады,  шалынған жағдайда да жеңил формада өтеди.

Сондай екен,  иммунитетти беккемлеў зәрүр. Туўры аўқатланыў,  дене шынықтырыў ҳәм дем алыў шынығыўлары арқалы.

Күнделикли аўқатланыў рецептинде, әлбетте, белоклар болыўы,  аўқатлар түрлише ҳәм қурамында минераллар, витаминлер, әсиресе С витамини көп болыўы керек.

Ең зәрүрли 9 өним: 

 1️⃣ Лимон 

 Лимонды блендерда майдалап,  бираз қумшекер  қосып күн даўамында үш рет бир чай қасықтан жеў керек.

 2️⃣ Чаканда (облепиха)

 Пайдалы қәсийетлери қурытылған мийўелеринде де сақланады. Ҳәр күни чаканда мийўесинен чай демлеп ишиң.

 3️⃣ Смородина

Вареньеси де,  музлатылғаны да бирдей пайдалы. С витамининен тысқары бул мийўеде А,  В6,  В12,  калций,  калий,  темир,  магний ҳәм натрий жүдә көп.

 4️⃣ Шиповник 

 Шиповник сиробы,  мийўелеринен шай демлеп ишиў жүдә пайдалы. Кеште термосқа он дана шиповник мийўесин салың ҳәм үстинен қайнаған суў қуйың. Ертеңине күн бойы усы қайнатпадан ишип жүриң. Бул ишимлик иммунитетти көтереди.

 5️⃣ Дузланған капуста

 Дузланған капустаға бираз зайтун майы ҳәм майда туўралған пиязды қосып жеў керек.

 6️⃣ Пияз

 Пияз тәбийий антибиотик екени бәршемизге белгили.

 7️⃣ Чеснок

 Аязлаў ҳәм вирустан асыраўдан тысқары, чеснок жүрек қан-тамыр кеселликлери менен кеселленген наўқаслар ушын жүдә пайдалы болып табылады. Ол қан басымын ҳәм холестерин дәрежесин кемейтеди.

 8️⃣ Творог

 Үй шараятында таярланған творог оғада пайдалы. Күнине 150 гр творогқа смородина,  чаканда ямаса лимон қосып жеў организм ушын пайдалы.

 9️⃣ Мәйек

 Азанғы чайға бир мәйек жеў керек. Онда А,  В2,  В5,  В6,  В9,  В12,  Д,  К,  Н,  РР витаминлери соның менен бирге,  биотин,  калций,  магний,  рух,  селен,  мыс,  марганец, темир — қайнатылған мәйек қурамында әне сол пайдалы витаминлер болады.

- Ҳәр қыйлы азық-аўқатларға аллергиясы болған инсанлар гипоаллерген өнимлерден пайдаланыўы кеселлик профилактикасы ушын зәрүрли есапланады! 

- Дене шынықтырыў ушын ең аңсаты — көп жүриў (3-5 км). Бунда «саламатластырыўшы» жүриў күтә үлкен нәтийже береди. Жүриўдиң бир неше түрлери бар: 

 ◽️Сейил етип жүриў (әпиўайы жүриў).

 ◽️Саламатластырыўшы (буған скандинавча,  таяқ пенен жүриў де киреди).

 ◽️Спортша жүриў.

  Дем гимнастикасы.

 COVID-19 кеселлигине шалынғанларға шар исириў(үплеў) мүмкин емес. Жеңил дем алыў ҳәм әсиресе шығарыў тийкарында атқарылатуғын шынығыўлар менен баслаў керек ҳәм оларды наўқас мудамы орынлаўы керек. Бунда көкирек қуўыслығында зорығыў пайда болмаўы,  сатурация түсип кетпеўи зәрүр.

 COVID-19 кеселлигиниң өткир дәўиринде наўқас қарын арқалы дем алыў усылларын үйрениўи керек болады,- пульманолог, медицина пәнлери докторы Дилором Раҳимова жуўабы.

Kun.uz хабаршысы Аброр Зоҳидов сәўбетлести.

Бөлимлер