Қурбан ҳайыты мүнәсибети менен бир қатар шегирмелер жәрияланды

Өзбекстан Республикасы Президентиниӊ 2021-жыл 12-декабрьдеги “2022-жылда рәсмий сәнелерди белгилеў ўақтында қосымша ислемейтуғын күнлерди белгилеў ҳәм дем алыс күӊлерин көшириў ҳаққында”ғы ПФ-35-сан Пәрманыныӊ 4-бәнтин орынлаў бойынша Туризм ҳәм мәдений мийрас министрлиги тәрепинен Қурбан Хайыт байрамы мүнәсибети менен 2022-жыл 9, 10, 11, 12-июль күнлери жергиликли халықтыӊ дем алыс күнлерин кеўилли өткериў ҳәм оларды ишки туризмге тартыў мақсетинде тийисли министрлик ҳәм мәкемелерден республика бойлап белгиленген шегирмелер инәм етиледи.

1. “Uzbekistan Airways” АЖ Қурбан ҳайыты байрамы мүнәсибети менен 2022-жыл 9, 12-июль күнлери аралығында әмелге асырылатуғын бәрше жергиликли авиақатнаўлардыӊ барлық түрдеги тарифлерине 50% шегирме жәриялады.

2. “Ўзбекистон темир йўллари” АЖ республиканыӊ бәрше ишки қатнаўлары ушын (2022-жыл 9-12-июль күнлери) 10 нан 24 ке шекемги жолаўшылардан ибарат болған топарлар ушын 10 %, 25 ҳәм оннан аслам жолаўшылардан ибарат болған топарлар ушын 15% шегирме жәриялайды.

3. “Вақф” қайырқомлық жәмийетлик қоры қарамағындағы пуллы кириў билетлери енгизилген мәдений мийрас объектлери тәрепинен (зыярат орынлары) 2022-жыл 9-12-июль күнлери ересеклер ушын 20%, жас өспиримлер ушын 50% шегирмелер жәрияланады.

Соныӊ менен бирге, республикамыз бойлап жайласқан музейлер, мийманханалар, аўқатланыў орынлары белгиленген ықтыярий шегирмелер қосымшаға муўапық инәм етиледи.

Жайластырыў орынлары тәрепинен жәрияланған шегирмелер.

Улыўма аўқатланыў орынлары тәрепинен жәрияланған шегирмелер.

Туристлик кәрханалар тәрепинен жәрияланған шегирмелер.

Мәдений мийрас объектлери тәрепинен жәрияланған шегирмелер.

Дерек: Karakalpakstantravel

KRuz.uz



Бўлимлар