⚡️Енди сабақлардың 4 күни ЖООда, 2 күни мектеплерде алып барылады

Президенттиң «Педагогикалық билимлендириў сапасын асырыў ҳәм педагог кадрлар таярлаўшы жоқары оқыў орынлары искерлигин және де раўажландырыў илажлары ҳаққында»ғы қарарына муўапық

2022/2023 оқыў жылынан баслап күндизги тәлим формасындағы 2, 4-басқыш студентлери ушын ҳәптелик оқыў шынығыўлар «4+2» системасында, атап айтқанда, сабақлардың 4 күни ЖООда, 2 күни улыўма орта билим бериў мектеплеринде әмелият есабында алып барылады.

2023/2024 оқыў жылынан баслап,  14 тәлим бағдарында сыртқы тәлим формасына қабыллаў бийкар етиледи ҳәм бул жөнелислерден тысқары сыртқы тәлим формасы бойынша педагогикалық искерликке тийисли кеминде 5 жыллық жумыс стажына ийе болғанлар оқыўға қабыл етилиўи белгиленди.

- педагогикалық ЖООның қоспа тәлим бағдарламаларында оқып атырған студентлердиң оқыў дәўири ушын төлемли контракт қунын Мәмлекет бюджети қаржылары есабынан қаплап бериў тәртиби енгизиледи; 

- тәжирийбе ретинде педагогикалық тәлим мәкемелери жанындағы академиялық лицейлерге қабыллаў еки басқышлы саралап алыў системасы - жазба имтихан ҳәм тест сынақлары тийкарында шөлкемлестириледи.

Педагог кадрлар таярлаўшы жоқары оқыў орынлары ортасында академиялық мобиллик системасы жолға қойылады.

Ҳәр жылы кеминде 5% профессор -оқытыўшылар шет мәмлекетлерге таңлаў тийкарында билимлерин жетилистириў ҳәм стажировкаға жибериледи.

Соның менен бирге, қарар менен тәлимниң барлық басқышларында ажыралмаслық ҳәм үзликсизликти тәмийинлеў мақсетинде Педагогикалық тәлимди раўажландырыў бойынша республика кеңеси шөлкемлестириледи.

Сапура Темирханова
KRuz.uz



Бўлимлар