Төрткүл районында таза ишимлик суўы тартылды

«Экосан» экология ҳәм саламатлық халықаралық қайырқомлық жәмийетлик фонды Қарақалпақстан аймақлық шөлкеми тәрепинен халықты таза ишимлик суўы менен тәмийинлеў бағдарында бир қатар жойбарлар әмелге асырылмақта.

Атап айтқанда, «Халық пенен пикирлесиў ҳәм инсан мәплери жылы» Мәмлекетлик бағдарламасы белгиленген ўазыйпаларды орынлаў бойынша Төрткүл районы «Янгиобод» мәкан пуқаралар жыйыны аймағындағы  Бадамзар, «Дослық» мәкан пуқаралар жыйыны аймағындағы Пахтакор көшелерине улыўма баҳасы 70,4 миллион сум болған узынлығы 0,8 километр болған суў тармағы тартылып, пайдаланыўға тапсырылды. Нәтийжеде еки мәкан пуқаралар жыйыны аймағынан 52 хожалық таза ишимлик суўы менен тәмийинленди.

Сондай-ақ, жойбар шеңберинде «Авиация» мәкан пуқаралар жыйыны аймағындағы Лалазар ҳәм Қурыўшылар көшелерине узынлығы 1,5 километр болған суў тармағы тартылды. Улыўма баҳасы 84,4 миллион сум болған жойбарды толық питкерилиўи усы аймақтағы 147 хожалықты таза ишимлик суўы менен тәмийинлеў имканиятын берди.

Бул жумыслардың питкерилиўине байланыслы өткерилген илажда «Экосан» экология ҳәм саламатлық халықаралық қайырқомлық жәмийетлик фонды Қарақалпақстан аймақлық шөлкеминиң директоры Н.Мырзамуратов, Төрткүл районы ҳәкиминиң орынбасары У.Матназаров, районлық суў тармағы, мәкан пуқаралар жыйынларының баслықлары шығып сөйлеп, халықты таза ишимлик суўы менен тәмийинлеў бағдарында әмелге асырылып атырған жумысларға тоқтап өтти. Соның менен бирге, қурылысты сапалы етип питкерген райондағы «Айбек-Атабек қурыўшы» ЖШЖ қурылысшыларына миннетдаршылық билдирди.

Д.АБИБУЛЛАЕВ,

Қарақалпақстан хабар агентлигиниң хабаршысы.

Диққатдиққат!  KRuz.uz сайтини Telegram'даги канал, Instagram'даги саҳифа ва  Facebook'даг гуруҳ орқали кузатиб боринг!

Бөлимлер