Халық банкиниң Ақмаңғыт филиалының жаңа имаратының салтанатлы ашылыў мәресими болып өтти

Акционерлик коммерциялық Халық банкиниң Ақмаңғыт филиалының жаңа имаратының салтанатлы ашылыў мәресими болып өтти.
ХАЛЫҚ БАНКИ ЖАҢА ИМАРАТТА
Банктиң ашылыў салтанатында район ҳәкими А.Сейтахов, Өзбекистан Республикасы акционерлик коммерциялық Халық банки басқармасы баслығының орынбасары С.Аннақылычев, Халық банки Қарақалпақстан Республикасы басқармасы баслығы Б.Султанов, райондағы мәкеме шөлкем баслықлары ҳәм банктиң мийнет жәмәәти ўәкиллери қатнасты.
Банктиң ашылыў салтанатында сөзге шыққанлар банктиң мийнет жәмәәтин ҳәм банк хызметинен пайдаланыўшыларды бундай қуўанышлы ўақыя менен қутлықлап олардың жумысларына әўметлер тиледи.
ХАЛЫҚ БАНКИ ЖАҢА ИМАРАТТА
Банктиң қурылысында «Қарақалпақ оңлаў-қурылыс» ЖШЖниң қолы гүл қурылысшыларының мийнети алғысқа ылайықлы. Банктиң қурылысы ушын сметалық баҳасы 2 млрд 192 млн 997 мың сум болған қәрежет жумсалды. Банк ханалары заманагөй дизайнда исленген болып бул жерде банк хызметинен пайдаланыўшылар ушын барлық қолайлықлар жаратылған.

Aqmangittani.uz

Бөлимлер