Өзбекистан жаслар аўқамы Қанлыкөл районы Кеңеси баслығы сайланды

2017-жылы 29-июль күни Өзбекистан жаслар аўқамы Қанлыкөл районы Кеңесиниң мәжилиси  болып өтти.

Мәжилисте район ҳәкими М.Қосназаров, Өзбекистан Жаслар аўқамының Қарақалпақстан Республикасы Кеңеси баслығының орынбасары П.Мақсетов, райондағы билимлендириў мекемелери басшылары ҳәм бир қатар жаслар менен оқыўшылар қатнасты.

Президентимиз  тәрепинен Өзбекистан Жаслар аўқамының дүзилиўи ҳәм 30-июньды «Жаслар күни» деп белгилениўи республика жаслары ушын умытылмас  ўақыя болған болса, 2017-жыл 5-июль күни «Жасларға тийисли мәмлекет сиясаты нәтийжелилигин арттырыў ҳәм Өзбекистан жаслар аўқамы жумысларын қоллап-қуўатлаў ҳаққында»ғы 5106-санлы Пәрманы ҳәмде              18-июль күни «Өзбекистан жаслар аўқамы жумыс барысын жетилистириўге байланыслы комплексли ис-илажлар бағдарламасы хаққында»ғы 3138-санлы қарары тастыйықланды. Бул Пәрман ҳәм қарарларда жасларымыз турмысын түптен өзгертиўге көпғана усыныс ҳәм пикирлер ўазыйпалар белгиленди;

Мәжилисте  Жаслар аўқамының Қанлыкөл районы Кеңеси баслығы лаўазымына талабан Қалимбетов Рустем Таңатарович  усыныс етилди ҳәм жаслар тәрепинен  бул  усыныс бир аўыздан қоллап-қуўатланды.

Мәжилис күн тәртибиндеги мәселелер бойынша 2017-жыл 29-июль күни Қалимбетов  Рустем  Таңатарович  Өзбекистан Жаслар аўқамының Қанлыкөл районы Кеңеси баслығы лаўазымына сайланды ҳәм  тастыйықланды.

 

 

 

Бөлимлер