Тақыятас районы ҳәкими тайынланды

14-август күни Халық депутатлары Тақыятас районлық Кеңесиниң гезексиз биринши сессиясы болып өтти.

Сессияда шөлкемлестириў мәселеси қаралды.

Қарақалпақстан Республикасы Жоқарғы Кеңесиниң Баслығы М.Ерниязов жаңадан шөлкемлестирилген районды социал-экономикалық жақтан раўажландырыў, халықтың турмыс дәрежесин арттырыў бағдарында алда турған ўазыйпалар ҳаққында кең түрде шығып сөйледи ҳәм район ҳәкими лаўазымына Алламбергенов Фархат Ембергеновичтиң кандидатурасын усынды.

Усынылған талабанды бир қатар районлық Кеңес депутатлары қоллап-қуўатлап шығып сөйледи.

Сессияда Ф.Алламбергенов Тақыятас районы ҳәкими болып тайынланды ҳәм өзиниң бар билим ҳәм тәжирийбесин районды ҳәр тәреплеме раўажландырыўға, жергиликли халық турмысының абаданлығын тәмийинлеўге жумсайтуғынлығын атап өтти.

Усының менен сессия өз жумысын жуўмақлады.

Бөлимлер