ТАТУ Нөкис филиалы студентлери программаластырыў бойынша халықаралық олимпиадада жақсы нәтийже көрсетти

2017-жыл 12-ноябрь күни Муҳаммед ал-Хорезмий атындағы Ташкент информациялық технологиялары университети Нөкис филиалы студент жаслары онлайн түринде өткерилген ICPC - International Collegiate Programming Contest яғный Студентлер арасында программаластырыў бойынша халықаралық олимпиадаға қатнасып, жоқары нәтийжелерге еристи.

 

ТАТУ Нөкис филиалы студентлери программаластырыў бойынша халықаралық олимпиадада жақсы нәтийже көрсетти

 

Олимпиада ICPC чемпионатының шерек финалының Өзбекистан басқышы болып, буған Өзбекистан Республикасы бойынша барлық жоқары оқыў орынлары студент жасларынан дүзилген 150 ден аслам командалар бир ўақыттың өзинде On-Line тәризинде қатнасып барды ҳәм Муҳаммед ал-Хорезмий атындағы Ташкент информациялық технологиялары университети Нөкис филиалы студент жасларынан дүзилген 16 команда, 5 саат даўамында теңлеслери қатарында өзлериниң заманагөй программалық тиллери тийкарында билим дәрежесин сынақтан өткерди.

Олимпиада нәтийжелери бойынша Муҳаммад ал-Хоразмий атындағы Ташкент информациялық технологиялары университети Нөкис филиалының Avengers  командасынан М.Базарбаев, Б.Сейдаметова ҳәм Н.Абдуллаевлар, Apple Team командасынан А.Менглимуратов, А.Нурымбетов ҳәм А.Оразбаевлар, Google командасынан Ж.Төребаев, Б.Гелдибаев ҳәм Р.Абдуллаевлар, WitNotT командасынан А.Сейтниязов, Д.Целиков ҳәм С.Абдумажитовалар қатнасып, улыўмалық есапта екинши онлықтан, ал Қарақалпақстан Республикасы жоқары оқыў орынлары ишинде ең жоқары нәтийжелерге еристи.

Бул олимпиаданың филиал студентлери ушын өзгешелиги сонда, олар берилген 12 программалық мәселелерди Дүнья жүзлик заманагөй программалық тиллер қатарына кириўши Python тили тийкарында ислегеди, ўақыт, кодлардың қысқалығы ҳәм басқада қолайлықлары бойынша сезилерли имканиятларды көрсетип берди.

Бөлимлер