Қанлыкөл районында «Халықаралық майыпларды социаллық қорғаў күни» белгиленди

Ҳүрметли Президентимиздиң «Майыпларды мәмлекет тәрепинен қоллап-қуўатлаў системасын жәнеде жетилистириў илажлары ҳаққында»ғы бийлиги  усы бағдардағы жумысларды жаңа басқышларға көтериўде айрықша орын ийелейди.

Президентимиздиң усы бағдардағы алып барып атырған илажлары негизинде, Қанлыкөл районы орайындағы «Максима» ресторанында район ҳәкимлиги менен «Мәҳәлле» қайырқомлық жәмийетлик фондының районлық бөлими биргеликте, 3-декабрь «Халықаралық майыпларды социаллық қорғаў күни» мүнәсибети менен район аймағындағы жәрдемге мүтәж майыплар менен нәгиранларға байрам дастурханы жайылды.

Илаж даўамында мийманларды район ҳәкими менен бир қатар тийисли тараў басшылары байрам күни менен қутлықлап, шаңарақларына аманлық ҳәм тынышлық тиледи. Мийманларға  байрам мүнәсибети менен районлық мәденият тараўы хызметкерлериниң концерт бағдарламасы инәм етилди.

Сондай-ақ, илаж қатнасыўшыларына байрам шөлкемлестириўшилери тәрепинен қәўендерлик саўғалары тапсырылды.

Соның менен бирге, байрам мүнәсибети менен район ҳәкими ҳәм ҳәкимлик ўәкиллери, ишки ислер уйымлары менен тийисли тараў басшылары тәрепинен район аймағындағы үй жатағындағы  майыплар менен нәгиран нураныйларымыз жағдайларынан хабар алынып, азық-аўқатлык өнимлер менен медициналық дәрилер қутышасы саўға етилди.

 

 

 

 

 

Дерек: qonlikol.rk.uz

Бөлимлер