3-Қөс-көлде усы жылы жаңа мектеп салыныўы режелестирилген - Халық билимлендириў министри Аманжол Аяпов

9-январь күни Нөкис қаласындағы Жаслар Орайында Өзбекистан Жаслар аўқамы Қарақалпақстан Республикасы Кеңеси тәрепинен шөлкемлестирилген «Жаслар Пресс клубы»ның биринши сессиясы болып өтти.  Онда министрлик ҳәм мәкемелер хызметшилери, ҒХҚ ҳәм Жаслар аўқамының жас репортёрлары қатнасты.

«Жаслар Пресс клубы»ның биринши сессиясына Жаслар аўқамы Қарақалпақстан Республикасы Кеңеси баслығы Абатбай Данияров, Ишки ислер министрлиги Ҳукықбузарлықлар профилактикасы басқармасы баслығы Кеңесбай Нурабуллаев, Халық билимлендириў министри Аманжол Аяпов, Орта арнаўлы кәсиплик билимлендириў басқармасы баслығы Пийшембай Сейтмуратов мийманда болды.

Қарақалпақстан Республикасы Халық билимлендириў министри Аманжол Аяповтың берген мағлыўматына қарағанда, усы жылғы мәмлекетлик бағдарламаға Қарақалпақстан Республикасында 40 мектепте оңлаў ҳәм реконструкция жумысларын ислеў киргизилген. Соннан усы жылы Қарақалпақстанда еки мектеп жаңадан салыныўы режелестирилген. Солардан биреўи Төрткүл районында, екиншиси Нөкис қаласындағы Қос-көл 3 аймағында салыныўы режелестирилген.

Лола Қаллыханова,

Дерек: makan.uz

Бөлимлер