Нөкис районында қараўсыз қалған 377 ийт ҳәм 19 пышық усланып жоқ етилди

Нөкис районлық Абаданластырыў басқармасының ийт аўлаў бригадасы тәрепинен өткен жыл даўамында қараўсыз қалған 377 ийт ҳәм 19 пышық усланып жоқ етилди.

Бәҳәр пасылында күнниң жылытыўы менен ҳайўанларда әсиресе үй ҳайўанларында қутырыў кеселлиги пайда болыўы мүмкин. Ийт тислегенде оның силекейинен инсанның өмири ушын қәўипли болған қутырыў кеселлиги пайда болады. Сонлықтан да, ҳәр бир пуқара үйлеринде сақлап атырған ийт ҳәм қутырыў қәўипи болған үй ҳайўанларын қутырыўға қарсы емлеў вакцинасы менен профилактикалық емлеўи шәрт. Сондай-ақ, көп қабатлы турақ жайларда қоңсылардың разылығы менен тек бир-бирден ийт ҳәм пышық сақлаўға рухсат бериледи. Ал, жер жайларда ийтлер байланған ҳалларда сақлаўға жол қойылады.

Районлық абаданластырыў басқармасының қараўсыз қалған ийтлерди тутыў бөлими тәрепинен усланған ийтлер 5 күн даўамында сақланады. Ийеси мүрәжат еткен ҳәм ийттиң оныки екенлиги (дизимге алыў гуўалығы, ветеринария гуўалығы) тастыйықланған ҳәм сақлаў қәрежетлери төленген жағдайда ийесине қайтарылыўы мүмкин.

Исламбек ҚУРБАНБАЕВ
Абаданластырыў басқармасының бөлим баслығы

Дерек: aqmangittani.uz 

Қорақалпоғистон янгиликларини телеграмда кузатиб боринг -  https://t.me/kruzuz

Бөлимлер