Қанлыкөлде жаслар фестивалы өткерилди

Қанлыкөл районы «Бахытлы» дем алыў паркинде район ҳәкимлиги ҳәм Өзбекстан Жаслар аўкамының районлық Кеңеси тәрепинен улыўма халықлық Наўрыз байрамы мүнәсибети менен «Қәдириятларымызды қәдирлеймиз» атамасындағы жаслар фестивалы өткерилди.

Фестиваль шеңберинде, билимлендириў мекемелериниң оқыўшы жаслары арасында қарақалпақ халқының миллий ойынлары (миллий гүрес, арқан тартыс, ләйлеклер сейили, шүллик ойыны, асық ойыны, теппек, ланги тебиў, қораз урысы, қол гүреси» ҳәмде «Экология ҳәм жаслар» темасында сүўретшилер таңлаўы шөлкемлестирилди ҳәмде районлық мәденият тараўы менен 19-санлы балалар музыка мектеби оқыўшылары тәрепинен таярланған  миллий аяқ ойынлары менен театрластырылған концерт бағдарламасы инәм етилди.

Жарыслар даўамындағы жеңимпазларға шөлкемлестириўшилер тәрепинен «Диплом» менен естелик саўғалары тапсырылды. 

 

 

 

 

Қорақалпоғистон янгиликларини телеграмда кузатиб боринг -  https://t.me/kruzuz

Бөлимлер