Қанлыкөлдиң жас сүўретшилери Москвадағы таңлаўда қатнасты

Елимизде жасларымыздың келешегиниң айдын болыўы, билимли жетик инсан болыўында қаратылып атырған итибар сондай-ақ, Ахборот технологияларының раўажланыўы негизинде интернет тармақларында мәмлекетлер аралық дослық қатнасларының жолға қойылыўы,  алысты жақын етиўши, онлайн тәризде оқыў ҳәм билим алыў, түрли тараўларда өткерилип атырған онлайн таңлаўларында қатнасыў ушын көплеген имканиятлар жаратылған.

Усындай таңлаўлары шеңберинде, Россия федерациясы, Москва ўәлаяты «Жабайы тәбиятты қорғаў» орайы, М.А.Заблоцкий атындағы «Приокско-Террасный мәмлекетлик тәбият биосферасы қорықханасы» менен биргеликте «Қорықханадағы тәбият дүньясы» атамасындағы балалар дөретиўшилик халықаралық көркем-өнер таңлаўы өткерилди.

Таңлаў барысында Қанлыкөл районы 19-санлы Балалар музыка ҳәм көркем-өнер мектеби «Сүўретлеў өнери» бөлими оқыўшылары Өмирбаев Бахтияр, Жумабаев Азиз, Асқаров Амирлер өз дөретиўшилиги менен қатнасты.

Таңлаў жуўмағында, жас сүўретшилер «Ҳүрмет жарлығы» менен сыйлықланды. Оқыўшыларды таңлаўда белсене қатнастырған «Сүўретлеў өнери» оқытыўшысы Абдиреймов Полат Аллабергенович шөлкемлестириўшилер тәрепинен «Миннетдаршылық» хатын алыўға мияссар болды.

 

 

 

 

 

 

 

 

 

 

 

 

 

 

 

 

Бөлимлер