Нөкис қаласында 55 метр бийикликте мәмлекетлик байрақлар орнатылады

Өзбекстан Республикасы мәмлекетлик ғәрезсизлигиниң жигирма жети жыллық байрамы алдында Нөкис қаласында Өзбекстан ҳәм Қарақалпақстан Республикаларының мәмлекетлик байрақлары орнатылады. Бул ҳаққында Қарақалпақстан хабар агентлиги хабар бермекте.

Нөкис қаласында 55 метр бийикликте мәмлекетлик байрақлар орнатылады

Пайтахтымыздың ең пайызлы орынларының бири, яғный Әжинияз шайыр естелиги жанында бой тиклейтуғын 55 метр бийикликтеги, өлшеми 9х6 метрге тең болған Өзбекстан ҳәм Қарақалпақстан Республикаларының мәмлекетлик байрақлары халқымыз ушын әжайып байрам саўғасы болыўы күтилмекте.
Ҳәзирги ўақытта бул байрақлар Ташкент қаласында исленип атыр. Қурылыс жумыслары ғәрезсизлик байрамы қарсаңында жуўмақланыўы күтилмекте.
Мағлыўматларға қарағанда, өткен дүйшемби күни мәмлекетлик байрақлар қурылатуғын орынға ирге тасын қойыў салтанаты болып өтти.

Нөкис қаласында 55 метр бийикликте мәмлекетлик байрақлар орнатылады

Еслетип өтемиз, бул байрақлар Ташкент қаласында 22-июль күни пайдаланыўға тапсырылыўы режелестирилип атырған республикамыздағы екинши байрақ есапланады. 
Мағлыўмат ушын, Ташкент қаласындағы байрақ 65 метр бийикликте, 20х10 метр өлшемде болыўы режелестирилген.

М.ҲАБИЙБУЛЛАЕВтың түсирген сүўретлери.

Karinform.uz Ислам Матеков.

Бөлимлер