ҚМУ дa шет ел пуқараларын оқыўға қабыл етиў даўам етпекте

Өзбекстан Республикасы Жоқары оқыў орынларына қабыллаў бойынша Мәмлекетлик комиссияның 30-июль 2018-жыл 4-санлы протоколына муўапық, шет елли пуқаралардан бакалавр тәлим бағдарларына ҳүжжет қабыл етиў 2018-жылдың 20-августына шекем белгиленди. Олар 47 бакалавр тәлим бағдарлары бойынша ҳүжжет тапсырыўы мүмкин.

Пуқаралардан оқыўға тапсырыўы ушын төмендеги ҳүжжетлер талап етиледи:

- Паспорт ҳәм за/гран паспорт

- Өзбекстанда жасаў гуўалықнамасы (егер бар болса)

- Шет елли пуқаралардың орта ямаса орта арнаўлы, кәсип-өнер мағлыўматын тастыйықлаўшы гуўалығы (диплом) өзбек ямаса рус тилине аўдармаланған ҳәм нотариус тәрепинен тастыйықланған ҳүжжети

- Медициналық мағлыўматнама (086 формасы)

- Фото сүўрет (3.5/4.5) (электрон варианты менен қоса)

Талап етилген ҳүжжетлердиң электрон формасы (PDF түринде, көрсетилген ҳүжжетлер тәртиби сақланған 1 файл болған түринде) университеттиң халықаралық бөлиминиң xab­_kdu14@mail.ru  электрон мәнзилине жибериўине болады.

Абитуриенттиң жасаў мәнзили, телефон номери, электрон мәнзили анық көрсетилиўи шәрт.

Қосымша мағлыўмат сыпатында абитуриенттиң Өзбекстанда ямаса Қарақалпақстанда жасайтуғын жақын ағайинлериниң мағлыўматлары (мәнзили, телефоны, электрон мәнзили) көрсетилиўи соралады.

 

ЕСКЕРТИЎ: Сәўбет ўақтында шет елли абитуриентлердиң электрон формада жиберилген ҳүжжетлериниң түп нуқалары талап етиледи.

Қосымша мағлыўматларды төмендеги мәнзилден алыўыңыз мүмкин.

Бердақ атындағы Қарақалпақ мәмлекетлик университети  қабыллаў комиссиясы. Телефон номери: +998 (61) 223 60 06

Халық аралық бөлимниң телефон номери +998 (61) 223 66 55

Дерек: karsu.uz

Бөлимлер