Видео Mover.uz: Нөкисте жаңа үлгидеги айдаўшылық гүўалығын алыў жағдайы туўралы

etonukus телеграм каналының жазыўшыларының бири видеоға алған көринисте Нөкис қаласындағы ески айдаўшылық гүўалығын жаңасына алмастырыўда жүзеге келип атырған нәўбет сәўлеленген.

Ҳәзирги ўақытта ески үлгидеги айдаўшылық гүўалығын жаңасына алмастырыў Ишки ислер министрлиги системасында Қарақалпакстанның төрт орнында әмелге асырылмақта. Булар Нөкис қаласы, Шымбай, Қоңырат ҳәм Беруний районлары. Бул аймақлар өзлерине жақын районлар ушын да хызмет көрсетеди.

 

Видео: https://mover.uz/watch/GoWtf38m 

 

Министрлер Кабинетиниң 31.05.2018-жылдағы 408-санлы қарары менен ески үлгидеги айдаўшылық гүўалығын жаңасына алмастырыў жумыслары менен Мәмлекетлик хызметлери агентлигинниң орынлардағы орайлары да шуғылланыўы керек. Бирақ, ҳәзир бул жумыс пенен тек ғана Қарақалпақстанда Ишки ислер министрлиги шуғылланбақта. Сонлықтан Қарақалпақстанда жаңа үлгидеги айдаўшылық гүўалығын алыў процесси усындай аўҳалда болмақта.

Мағлыўмат ушын, Ҳүкиметтиң 2017-жыл 2-марттағы қарарына муўапық, жаңа айдаўшылық гүўалығын жаңасына алмастырыў ушын ең кем айлық ис ҳақының 70% муғдарында төлем өңдиреледи.

Әмелдеги миллий айдаўшылық гүўалығын жаңасына алмастырыў 2017-жылдың 1-октябринен – 2018-жылдың 31-декабрине дейин олардың берилген сәнесинен бийғәрез – ықтыярый, 2019-жылдың 1-январынан – 2020-жыл 31-декабрине шекем мәжбүрий тәртипте әмелге асырылады.

Автомототранспорт қуралы дизимнен өткерилгени ҳаққындағы гүўалықты жаңа үлгидеги гүўалыққа алмастырыў 2017-2020-жыллар даўамында басқышпа-басқыш – автомототранспорт қуралын мәжбүрий техникалық тексериўден өткериўде әмелге асырылады.

 

Makan.uz: Лола Қаллыханова,

журналист

Бөлимлер