Азия журналистлери Шавкат Мирзиёевти жыл адамы деп жәриялады

Сеул – Азия журналистлери ассоциациясы (штаб квартирасы Сеул қаласында) Өзбекстан Президенти Шавкат Мирзиёевти сиясий жөнелисте жыл адамы деп жәриялады. Бул ҳаққында "Korea Times" басылымы хабар берди.

Ассоциацияның атап өтиўинше, Шавкат Мирзиёев 2016-жыл Өзбекстан Президенти болғанынан баслап Орайлық Азия мәмлекетлери ортасында тынышлық орнатыў ҳәм байланысларды даўам еттириўге ҳәрекет етпекте. Сондай-ақ, оның инсан ҳуқықлары, экономикалық реформалар, ашық сиясат жүргизиў ҳәм сиясий қамақтағыларды азат етиў бойынша ислеген реформалары айрықша атап өтилген.

«Бул адамлар ассоциация жетекшилери ҳәм ҳәр бир мәмлекет ўәкиллери тәрепинен таңлап алынған. Жеңимпазларға өз ҳүрметимди билдиремен», - деген ассоциация Президенти Ашраф Дали.

Басқа жөнелислер бойынша “LG Group” ҳүрметли баслығы Ку Бон Му, мысырлы белгили кардио-хиррург Маҳди Ҳабиб Ёқуб, футбол бойынша Веьтнам сайланды командасы тренери Пак Хан Со жыл адамы деп табылған.

Жеңимпазларды сыйлықлаў мәресими 2019-жылдың бәҳар айында ассоциация бас ассамблеясында болып өтеди.

 

Аўдарма: makan.uz

Бөлимлер