Техника факультетинде жаңа жыл алдынан ата-аналар менен ушырасыў өткерилди

Техника факультетинде студентлердиң ата-аналары менен ушырасыў өткерилди. Онда факультет деканаты, кафедра баслықлары, топар басшылары ҳәм ата-аналар қатнасты.

Ушырасыўды шөлкемлестириўден гөзленген тийкарғы мақсет студент-жаслар тәрбиясы бойынша ата-аналар менен бирге ислесиўди және де жақсылаў, олар менен үзликсиз байланысты тәмийинлеўден ибарат. Сондай-ақ, университеттиң ишки-тәртип қағыйдалары, студентлердиң оқыў ҳәм билим алыўлары ушын жаратылған шараятлар ҳаққында ата-аналарға кеңнен мағлыўмат бериў.

Ушырасыў даўамында оқыўда, жәмийетлик жумысларда белсене қатнасып,өзиниң зийреклиги ҳәм минез-қулқы менен өз теңлеслерине үлги болып киятырған бир қатар студентлердиң ата-аналарына университет ректоры атынан таярланған АЛҒЫСНАМА тапсырылды.

С.Нурниязов,

Техника факультетиниң жаслар мәселелери

бойынша декан орынбасары

 

Бөлимлер