Қарақалпақстан Республикасы экономикалық судлары судьялар тәрепинен Хожели районы “Меҳрийбанлық уйи”не байрам саўғалары тапсырылды

  Көп жыллардан берли киятырған дәстүримизге сай усы жылы ҳәм Қарақалпақстан Республикасы экономикалық судлары судьялар тәрепинен Хожели районы “Меҳрийбанлық уйи”не барып, балаларымыздың қуўанышына шерик болып, оларға байрам саўғаларын ҳәм ширинликлер тапсырды.

“Балалар... Олар бизлердиң келешегимиз, баслаған ийгиликли ислеримиздиң даўамшылары, кѳзимиздиң нуры, қәлбимиз қуўанышы. Олар менен ѳмиримиз абад, кеўлимиз жоқары. Сол себепли ҳәм балаларымыз бахытлы болыўлары ушын барлығымызды бериўге тайынбыз.

Тийкарынан, 1-июнь – Халық аралық балаларды қорғаў күнинде оларға кѳрсетип атырған меҳир-муҳаббатымыз жәнеде асады” – деп келтирди Қарақалпақстан Республикасы экономикалық суды баслығы Бибисанем Темирханова.

Ушырасыў соңында балажанлар тәрепинен усынылған концерт дәстүри ушырасыў қатнасыўшыларына әлем-әлем қуўаныш бағышлады.

Соң, Қарақалпақстан Республикасы экономикалық суды баслығы Бибисанем Темирханованың басшылығында судьялар жәмәәти, Тахиатас районы “Кишкантайлар” меҳрийбанлық уйине барыб, ол жерде
5 баланың сүннет тойы қуўанышына шерик болды.

Судьялар кишкантайларға байрам саўға-сәлемлер ҳәм ширинликлер тапсырып, оларға ҳәм меҳрийбанлық уйи ҳәкимшилигине саўлық-саламатлык, ийгиликли ислерине куш-қуўат тилеп қалды.

Балажанларға кѳрсетилип атырған бул итибар ушын меҳрийбанлық уйи ҳәкимшилиги ѳз миннетдаршылығын билдирди.

Қарақалпақстан Республикасы

экономикалық суды баслығы

Б.Темирханова

Бөлимлер