Қарақалпақстанлы қылышпаз қызлар Өзбекис­тан кубогин жеңип қайтты

Жақында 13-18-ноябрь күнлери Ташкент қаласында қылышпазлық спорты бойынша үлкен жастағылар арасында Өзбекистан кубоги жарыслары болып өтти. Бул жарыстың сабля жөнелисинде А.Уснатдинова, Н.Утебаева, З.Дайыбекова ҳәм Д.Усмановалардан ибарат қарақалпақстанлы сабляшы қызларымыз биринши орынды ийелеп, Өзбекис­тан кубогин жеңип қайтты.

— Бул спорттың Республикамызға кирип келгенине аз ўақыт болыўына қарамастан шәкиртлеримиз республикалық көлемдеги жарысларда жақсы жетискенликлерди қолға киргизип келмекте. Болып өткен Өзбекистан кубоги жарысында қызларымыз қарсыласларынан анағурлым басым екенликлерин және бир мәрте көрсетти. Әсиресе, финалда беллескен ташкентли сабляшыларды 45:30 есабында жеңиўи, көпшилик тараў қәнигелерин тәси­йин қалдырды,-дейди спортшылардың тренери Руслан Султанов.

Әлбетте, спортшыларымыздың бундай жетискенликлерге ерисиўинде тәжирийбели тренерлерден Қ.Жубанов, Д.Жийемуратовлардың мийнетлери айрықша.

Бөлимлер