Конституциямыз-инсан ҳуқық ҳәм еркинликлериниң кепили 

Конституция- ең дәслеп инсан ҳәм пуқара ҳуқықлары,еркинликлерин беккемлеўши сондай-ақ, кепиллейтуғын тийкарғы ҳүжжет саналады. 
Биз өз Конституциямызды ҳақыйқый халықшыл Конституция деп атаўымыз мүмкин. Себеби,турмысымыздағы барлық мүнәсибетлерди тәртипке салып,онда инсан ҳуқықлары, қәдир-кымбаты жоқары қәдирият етип белгиленген. 


 Усы жылы  Конституциямыздың қабыл етилгенине  27 жыл толады. Сәне мүнәсибети менен бүгин  Бердақ атындағы Қарақалпақ мәмлекетлик университетинде ушырасыў кешеси болып өтти. Илажда Қарақалпақстан Республикасы Әдиллик министрлиги, Қарақалпақстан Республикасы Жынаят ислери бойынша суды ўәкиллери,университет профессор-оқытыўшылары өз баянатлары менен қатнасты.


-“Конституциямыздың 2-статьясында Мәмлекет халықтың ерк-ықрарын билдиреди,оның мәплерине хызмет етеди. 7—статьясында болса,халық мәмлекет ҳәкимиятының бирден-бир дереги деп белгилеп берилген. Сонлықтанда бүгин Президентимиз тәрепинен “Халық мәмлекет уйымларына емес, мәмлекетлик уйымлары халыққа хызмет етиўи керек” деген принцип бәрше буўындағы басшылар искерлигинде тийкарғы кағыйдаға айланыўы керек екенлиги белгилеп берилген”-дейди, Қарақалпақстан Республикасы Әдиллик министрлиги бөлим баслығы Абилқасым Отеулиев. 


Демек, мәмлекетимиздеги барлық реформа ҳәм өзгерислер Конституция тийкарында алып барылмақта ҳәм халық мәплери ушын хызмет етиўи менен әҳмийетли. 


Илаж даўамында студент-жаслар өзлериниң қызықтырған сораўларына қәнигелер тәрепинен толық жуўаплар алды. 
Қарақалпақстан Республикасы Әдиллик министрлиги тәрепинен үгит-нәсият жумыслары даўам етеди. 

Қарақалпақстан Республикасы Әдиллик министрлиги

Бөлимлер